Laugasamoa

Ole vaega amata lenei e a’oa’o ai le folafolaga o faaaloaloga I totonu ma fafo. E amata ai foi ona a’o le folafolaga faigofie lava o ‘ava o se usu. E aoga lenei mataupu mo I latou e lei folafolaina lava se faaaloaloga talu ona pa’u mai I le manava o lona tina. A mae’a ma to’a I le mataupu lenei, AS 101, ona sosoo loa lea ma le AS 201, o iina o le a faaaoga ai loa le gagana maotua faa faleupolu. E taua tele le malamalama I le faavae o le folafolaga o faaaloaloga ma ‘ava I le gagana faigofie a o lei agai atu e ave le AS 201.

Umi o le mataupu: 5 Vaiaso

O lenei polokalame e asia ai le tele o alagaupu ma muagagana ma o latou mafua’aga. E faigata ona manino I le failauga po o sa’o lona faaaogaina o se alagaupu/muagagana vagana ua ia mautinoa lelei le mafuaaga o lena alagaupu/muagagana. E faamanino ai foi le eseesega o le alagaupu ma le muagagana. Mo I latou o loo fia avea ia le AS 201 ma le AS 202, e fautuaina e tatau ona ave muamua p e ave faatasi ia polokalame na ma le AS 103.

Umi o le Mataupu: 5 Vaiaso

O le faamoemoega mo lenei polokalame, ia mae’a ane ua mafai lava ona e fauina lava lau lauga mo soo se ituaiga faalavelave. E te le toe moomiaina se tulafale e fesoasoani atu ia oe aua ua pei foi oe o le isi polofesa i mea tau lauga. E fai nai suega e iloa ai po ua lava taoso ma lava tapena oe mo soo se ituaso e moomia ai ou agavaa faa failauga. E tatau ona ave muamua lau AS 103 a o lei aveina lenei polokalame, AS 202. O le a Iloilo ai foi I lenei polokalame ia nisi o lauga o loo I luga o le upegatafailagi www.laugasamoa.ws . E fai lava si tutu’a o le polokalame lenei, ua fuafuaina mo I latou o loo fia galue faa faleupolu. E aoga tele foi mo le mamalu o le atunuu o loo fai ma fofoga o matagaluega poo kamupani pe a feiloai ma fesilafai ma le mamalu o le atunuu.

Umi o le Mataupu: 10 Vaiaso